அமைதி

கவலை கழிந்து அமைதியில் வாழ
ஆர்வம் கொண்டேன்
தோன்றிய உலகில் சோதனைகளுக்கு
ஓய்வென்றுமில்லை
காரணமின்றி கடிந்து கொண்டன
கவலைகள்
நாகரிக சுகத்தில் நனைய
நினைத்ததில்
ஐம்புலனும் உணர்த்தியது
அறியாமையை
சுகத்திற்கு வடிவமில்லை
எல்லையில்லையென்று
ஆய்ந்து தெளிந்ததில்
எட்டியது எனக்கும்
அகந்தை அலை ஓய்ந்து
மூடியதிரை விலகியது
புலன்களை மூடிவிடு; எண்ணங்கள்
தரும் அமைதி என்றது ஆழ்மனம்
முயன்று பார்க்கிறேன் இன்றுவரை
எட்டாக்கனியாகவே
என்றாவது ஒரு நாள்
எனக்கும் திருவினையாகும்